Fleiri myndir!

Magga Linda tók líka fullt af myndum og það má skoða þær hérna!

Myndir!

Það eru komnar myndir frá gleðinni á föstudagskvöldið. Ljósmyndari: Hildur Guðjónsdóttir 10-BB. Skoða hér!

ÞAÐ ER AÐ KOMA AÐ ÞESSU!!!!!!!!!!!!!!!!!

Eru ekki allir geðveikt spenntir???????

2 dagar í þetta!!!!!!!!! vúúúúhúúúú

Bekkjarpartí 10-JM

JM partý í Jakaseli 21, byrjar stundvíslega klukkan 19.00 og svo verður rölt yfir á hverfis.

Bekkjarpartí 10-HG

Bekkjarpartí fyrir HG bekkinn verður haldið heima hjá Rakel á föstudaginn, milli kl. 18-20. Fordrykkur í boði. Hún býr í Galtalind 11 í Kópavogi.


Þeir sem vilja auglýsa partíin geta sent mér ímeil á annasig76@hotmail.com og ég get skellt þeim hérna á forsíðuna! :)

ALLIR AÐ MÆTA!

Auglýsing

Bekkjarpartí fyrir 10-BB verður haldið heima hjá Möggu Lindu. Hún býr í Flúðaseli 61 og mæting er milli kl. 18-20 föstudaginn 31. ágúst, síðan verður rölt yfir á pöbbinn í Jafnaseli. Nema þeir sem eru púkó mega keyra þangað.. já eða taka strætó!
Látið mig vita ef þið komist ekki í síma 863-1976.
Kv. Anna Sig.

** 3 eftirlýstir úr 10-BB **

Jæja þá er ég búin að ná í alla sem ég gat náð í, en ég þarf að auglýsa eftir 3 strákum í bekknum, ef einhver veit um þá eða getur látið þá vita af þessu. Og það eru:

Guðgeir Snorri Jóhannsson
Hafsteinn Michael Guðmundsson
Pálmi Sveinn Pálmason

Þið megið láta mig vita í e-mail annasig76@hotmail.com, ef þið vitið um þá eða símanúmer þeirra :)

Annars leist bara öllum vel á þetta allt saman og hlakkar öllum til.. held ég allavega hahaha :D

Ég man allavega að það var geðveikt gaman síðast og mjög skondið að sjá alla gömlu bekkjarfélagana eftir langan tíma og núna erum við meiri að segja orðin ennþá meira fullorðin og örugglega ennþá skondnara, ég er allavega búin að vera með nettan Seljafíling eftir að hafa talað við mína bekkjarfélaga.

En hvernig væri ef við myndum öll skrifa smá upplýsingar um okkur í komment fyrir neðan þetta innlegg. Ég skal búa til nokkrar spurningar.. :)

1. Nafn og bekkur
2. Hjúskaparstétt
3. Börn
4. Menntun/Starf
5. Skemmtileg minning úr Seljaskóla.

Svo getiði bætt einhverju við ef þið viljið! :)

Eigum við ekki að reyna að fá smá líf í þetta hérna, koma so!! (Djók.. ein ýkt hress eitthvað!!)

25 dagar!

Það kom uppástunga um að hafa eina bloggsíðu fyrir hvern bekk svo hægt sé að ræða hvert bekkjarpartý fyrir sig. Auðvitað er fólki frjálst að opna sínar síður og ég gæti þá sett linkinn á þá síðu hérna.
En við skulum nú samt ekki gleyma að þetta er reunion fyrir allan árganginn og mæta á:

SPORTBARINN FYRIR OFAN ALLT Í EINU Í JAFNASELI FÖSTUDAGSKVÖLDIÐ 31.ÁGÚST 2007!!!!!

Plöggi Plöggi Plögg

Ég ætla bara skammlaust að plögga sjálfa mig hérna:

Íslenskir tónlistarmenn heiðra Tom Waits

Tónleikar til heiðurs tónlistarmanninum Tom Waits eru fyrirhugaðir í ágúst nk. en meðal þeirra sem að tónleikunum standa eru þekktir íslenskir tónlistarmenn og leikarar. Tónleikarnir fara fram í Íslensku óperunni þann 23. ágúst næstkomandi. Meðal þeirra sem fram koma verða Björn Hlynur Haraldsson, Daníel Ágúst, Krummi, Sigtryggur Baldursson, Ólafur Darri Ólafsson, Magnús Jónsson, Pétur Ben, Höskuldur Ólafsson og Sigríður Eyrún.

Hljómsveitin sem sér um undirleik hefur fengið nafnið The bad livers and the broken hearts band en hana skipa Pétur Ben, Sigtryggur Baldursson og Frank Hall.

Miðasala verður í miðasölu Íslensku óperunnar og um netfangið twtonleikar@gmail.com en miðaverð verður 2.500 krónur.


kv
Sigga 7BI

HVERNIG GENGUR?

Er búið að ná í alla úr hverjum bekk?

Ef þið viljið þá getiði farið sjálf inn og sett myndir á
www.webshots.com
notandanafnið er : seljaskoli
lykilorðið er: hjalti
Annars má ennþá senda mér myndir á siggaeyrun@gmail.com

Ef þið hafið áhuga á því að blogga inná þetta blogg þá getiði einnig sent mér netföngin ykkar og ég "býð ykkur" að vera memm.

góða helgi

Tilkynningar ofl

Vegna einhvers ruglings í kommentunum á síðustu færslu þá vil ég ítreka að endurfundirnir eiga sér stað föstudaginn 31.ágúst 2007 á hverfispöbbnum í Jaðarseli.

Ef einhverjir fleiri vilja biðja mig um að tilkynna bekkjarpartý á þessari síðu þá sendið þið mér bara póst á siggaeyrun@gmail.com

Svo má auðvitað notfæra sér þessa síðu ef það þarf að plögga eitthvað.
Ég ætla td að taka mér það bessaleyfi og plögga fyrir hana Söru sem er með sitt eigið fyrirtæki. Sjá linkinn "Unga Ástin Mín" hér til hliðar.

Skilaboð til 10.BB

Magga Linda ætlar að halda bekkjarpartý fyrir 10.BB áður en við förum á hverfispöbbinn.
Hún á heima í Flúðaseli 61.

AFTUR I HUDDIÐ!

Anna María fór á stúfana í gær og reddaði okkur roooooosalegum díl á hverfispöbbnum í gamla húddinu okkar.
Þannig að gleðskapurinn verður:

Á SPORTBARNUM Í JAFNASELI FÖSTUDAGINN 31.ÁGÚST FRÁ KL.20-?
Við verðum með staðinn útaf fyrir okkur og það verða mjög góð tilboð á barnum.

Fyrir þá sem ekki átta sig á hvaða staður þetta er þá er hann á annari hæð fyrir ofan sjoppuna sem hét (eða heitir?) Allt í einu. Krónan er þarna núna og Sorpa (klassi...) og það var eitthvað dekkjaverkstæði þarna allavegna einu sinni.

Svo förum við bara með 14 eða 111 niðrí bæ...

Svo var ég að spá....ef fólk vill að ég setji linka á síður hér til hliðar þá er það ekkert mál. Kannski ef einhver er með bloggsíðu eða fyrirtæki eða eitthvað bara.....

Hulda úr 10.JM sendi mér þessa mynd...agalega fínar :-)
Þið megið öll senda mér myndir á siggaeyrun@gmail.com og ég hendi þeim hérna inn. Finn mér kannski 5 mínútur um helgina og bý til myndasíðu sem ég set sem tengil hérna á síðuna...þangað til hendi ég þeim bara á hverja færslu.

Ég er orðin sjálfskipaður ritari endurfundanna og bulla því bara áfram á þessu bloggi.

Um leið og "nefndin" er búin að ákveða stað mun ég setja það hérna inná síðuna...
En þangað til bíðum við hin bara spennt.

Hulda stakk uppá því að fólk myndi setja einhverjar upplýsingar um sjálft sig í kommentin.
Sjá komment frá henni í fyrstu færslu...

Haldið annars áfram að láta berast að þessi bloggsíða sé komin upp.

Endurfundir Seljavillinga!

Þetta er bloggsíða fyrir endurfundi þeirra sem útskrifuðust úr Seljaskóla vorið 1992. Nú eru liðin 15 ár frá því við yfirgáfum þessa stórkostlegu menntastofnun....

Hugmyndin er að reyna að hittast föstudagskvöldið 31.ágúst.
Við höfum ekki fundið stað enn.

Verið er að sækja bekkjarlista niðrí Skjalasafn Reykjavíkur (?!) og þá förum við í það að reyna að hafa uppi á liðinu.

Endilega bjóðið ykkur fram ef þið nennið að hafa uppi á bekkjarfélögum ykkar.